Фудбалската федерација на Македонија (ФФМ) одлучи да го одложи 11. коло во првата лига и 10. коло во вторите лиги поради новиот корона протокол кој неделава го донесе Владата.
Со новите протоколи, сите екипи во сите спортови задолжително мора да ги тестираат своите спортисти на коронавирус пред секој натпревар и тоа на свој трошок.

Поради оваа одлука ФФМ одлучи да го одлучи колото кое треба да се игра викендов да го одложи.

„ Комисија за натпреварување во рамки на Фудбалската федерација на Македонија информира дека поради измени на Протоколот за спроведување мерки за заштита од „Ковид 19“ и стапување на сила на Општиот Протокол за организирање на натпревари, натпреварите од 11. коло на Прва МФЛ и 10. коло на Втора МФЛ – Исток и Запад кои требаше да се одиграат на 31.10.2020. (сабота) и 01.11.2020. (недела), се одложуваат и истите се пренасочуваат за одигрување на 07.11.2020. (сабота) – 11. коло од Прва МФЛ и 10. коло, Втора МФЛ – Исток и Запад на 08.11.2020 (недела)“, стои во соопштението на ФФМ.