Новинарот Димче Миновски добитник на наградата 4 Ноември за животно дело
Новинарот во пензија Димче Миновски, е добитник на највисокото општинско признание на Битола, наградата 4 Ноември за животно дело.
Димче Миновски до пензионирањето беше професионален новинар во Радио Битола, дописник на „Нова Македонија“, спортски дописник на Радио Скопје.
Автор е на голем број книги и публикации, особено од областа на спортот. Напишал и неколку романи.
На седницата за доделување на четврто ноемвриските награди, Комисијата одлучи едногодишни награди да добијат: Здружението на пијанисти и музички педагози „Пијано“ Битола, потоа Јован Стефановски-научен работник, самостоен истражувач, Гордана Такец-писателка, поет, уметник, д-р Фанче Јошевска,од областа на техничките науки и Народниот театар Битола.
Наградите на добитниците ќе им бидат врачени на свечената академија, која ќе се одржи по повод 4 Ноември, Денот на ослободувањето на Битола.