Денеска во салата „Боро Чурлевски“ во Битола актуелниот шампион Еурофарм Пелистер во македонската ракометна Супер лига убедливо со 31:21 славеше над РК Бутел Скопје.

После првото полувреме играчите на тренерот Рубен Гарабаја имаа водство од шест голови разлика (16:10).

По пет голови кај домаќините запишаа Видомски, Ристевски и Пе. Атанасијевиќ, а за гостите најефикасен беше Узунчев со шест погодоцви, а пет имаше Козакаи.

Ова е 10 победа за битолската екипа оваа сезона во шампионатот за моментно второ место на табелата со 21 бод, три помалку од водечкиот Вардар 1961.

Бутел Скопје кој го претрпе шестиот пораз во првенството се наоѓа на седмата позиција со 11 бодови.

Во следното коло на 22 ноември Еурофарм Пелистер ќе му гостува на Тинекс Пролет, додека истиот ден Бутел Скопје ќе го пречека Радовиш.