УЕФА вчера го објави тимот на годината, а денеска веќе почнаа сериозните обвинувања за „местенките“ при изборот.

Имено, според информациите од англиските медиуми, формацијата на идеалниот тим од 4-3-3, овој пат за прв пат во историјата е сменета во 4-2-4 само за да се направи место за Кристијано Роналдо.

Португалецот кој беше во конкуренција кај напаѓачите беше трет по бројот на гласовите, зад Роберт Левандовски, Лионел Меси и Мохамед Салах, но луѓето на УЕФА по секоја цена сакаа да го вметнат Роналдо во тимот, па направија тим со четири напаѓачи. Поради оваа одлука од најдобриот тим испадна миленикот на навивачите, НГоло Канте од Челси, но и Мохамед Салах, па во средниот ред има само двајца фудбалери, Кевин Де Брујне и Френки де Јонг.

„Ова е на работ на лажирање. Ок, Роналдо е најпопуларен спортист на светот, но не можете да ја смените формацијата доколку навивачите гласале поинаку“, изјавил анонимен извор од УЕФА.

УЕФА во своја одбрана тврди дека формацијата е најмалку важна, дека во прашање се комбинирани гласови на навивачите со остварувањата на фудбалерите и дека Кристијано Роналдо со Португалија триумфира во Лигата на Нациите.

„Сега во тимот имаме пет освојувачи на Лигата на шампионите, четворица финалисти во Лигата на Нациите, а меѓу нив има и еден победник“, стои во соопштението на УЕФА.