Во Русија од денеска е на сила закон кој на операторите на социјалните мрежи им наложува на откриваат и блокираат разни содржини, меѓу кои и повици за демонстрации за кои нема дозвола од властите и кои се сметаат за противзаконски.

Интернет содржини што се однесуваат на тероризам и државни тајни, исто така, не треба да бидат повеќе достапни, се вели во текстот на законот.

Упатства за производство на дрога, детска порнографија, потикнувања на самоубиства и содржини што се спротивни на рускиот Устав, исто така, ќе бидат блокирани.

Руските власти во последните денови се особени строги кон социјалните мрежи по повиците за протести во знак на поддршка на притворениот опозициски дисидент, Алексеј Навални кому му беа праќани преку интернет. Веќе се изречени казни за Фејсбук, Твитер и Јутјуб.