Ноел Галагер од дуото „Оејзис“ ќе биде прогласен за текстописец на годината на церемонијата на доделувањето на наградите „Брит“ на крајот на февруари.

Галагер, кој постигна успех и со бендот „Оејзис“ и со неговиот проект „Ноел Галагер хај флајинг бирдс“, во минатото освои доста британски музички награди.

Наградата во категоријата „Текстописец на годината“ се доделува за извонреден талент во создавањето хитови и ја одредува специјално избрана група експерти. Меѓу претходните добитници на наградата се Ед Ширан, Кид Харпун, Реј и Чарли XX.

Галагер ќе ја прими наградата на церемонијата во Манчестер на 28 февруари.

Тој е најпознат како член на бендот „Оејзис“ со својот брат Лијам. Бендот неодамна ја заврши својата долгоочекувана светска турнеја по повторното обединување.

Ноел Галагер ги напиша хитовите „Wonderwall“, „Don’t Look Back In Anger“ и „Champagne Supernova“ за бендот од Манчестер пред да се разделат во 2009 година по спор меѓу браќата. Во август 2024 година, „Оејзис“ ставија крај на 16-годишните шпекулации потврдувајќи го своето враќање на сцената со турнејата „Оејзис лајв 25“.