Дајо Упамекано (27) ги прекина шпекулациите за неговата иднина со продолжување на договорот со Баерн Минхен. Договорот на францускиот фудбалски репрезентативец требаше да истече ова лето, но тој ќе остане верен на германскиот фудбалски гигант до 2030 година.

Централниот бек е составен дел од одбраната на баварскиот клуб откако се приклучи од редовите на РБ Лајпциг за 42,5 милиони евра.

Досега запиша 28 настапи за Баерн оваа сезона, а тимот на Венсан Компани сигурно чекор кон нова титула во Бундеслигата.

Иако Упамекано во изминатиот период беше силно поврзуван со трансфер во Реал Мадрид следното лето. И покрај интересот од Шпанците со надежи дека ќе добијат уште еден елитен играч без никаков надомест, Французинот одлучи да ја посвети својата иднина на Баерн.

– Навистина сум среќен што останувам во Баерн и што продолжувам да играм во овој тим. Имаме одличен тим и одличен тренер. Имаме големи цели заедно. Во животот, секогаш е важен менталитетот. Давам сè од себе за моите соиграчи, на секој тренинг, сакам да задржам чиста мрежа на секој натпревар и сакам да освојам што е можно повеќе титули со Баерн – рече Упамекано по потпишувањето на новиот договор.

𝗨𝗣𝗔𝗠𝗘𝗖𝗔𝗡𝗢 2️⃣0️⃣3️⃣0️⃣ ✍️

The perfect news to start the weekend! 😍🙌 pic.twitter.com/y2a7QmD31I

— FC Bayern (@FCBayernEN) February 13, 2026