Црногорскиот центар Никола Вучевиќ е нов кошаркар на Бостон селтикс, пренесува познатиот НБА-инсајдер на „ЕСПН“, Шамс Чарани. Искусниот 35-годишен кошаркар во Бостон пристигнува преку размена од Чикаго булс, а во спротивна насока заминува бекот Анферни Сајмонс. Дополнително, двата клуба добија и по еден избор од втората рунда на НБА-драфтот.

Вучевиќ го носеше дресот на Чикаго од март 2021 година и во целиот период важеше за еден од најконстантните играчи во тимот. Во речиси секоја сезона бележеше меѓу 17 и 18 поени, додавајќи и 10 до 11 скока по натпревар. Во актуелната сезона настапи на 48 натпревари, со просек од 16,9 поени, 9,0 скока и 3,8 асистенции.

За Вучевиќ ова ќе биде четврта НБА-франшиза во кариерата. Професионалниот пат го започна во Филаделфија, потоа мина осум и пол сезони во Орландо, пред да се пресели во Чикаго, а сега ќе го облече дресот на еден од најтрофејните клубови во лигата.

BREAKING: The Chicago Bulls are trading center Nikola Vucevic and a second-round pick to the Boston Celtics for Anfernee Simons and a second-round pick, sources tell ESPN. pic.twitter.com/aScaobfZmv

— Shams Charania (@ShamsCharania) February 3, 2026