Не одам на протестите на ВМРО-ДПМНЕ зошто мислам дека немаат концепт и создаваат конфузија во членството. Доколку правиме протести тие да имаат цел, изјави Никола Попоски во Само интервју на Канал 5.

По сите природни текови на партијата Мицкоски беше природен наследник на чело на партијата. Би можел да бидам кандидат за претседател на ВМРО-ДПМНЕ но само по легитимен пат, смета Попоски.

-ВМРО-ДПМНЕ може да направи многу повеќе од ова што е сега. Сметам дека праксата на преголемо затварање и исклучување на голем дел на членови на еден или друг начин, не зборувам само формално исклучување туку и дистанцирање не е формула која не носи на победа. Приоритетот на врвот на партијата треба да биде да го шири тој круг што е можно повеќе. Концептот кој го има ова раководство на ексклузивност, на исклучување на отргнување на што е можно повеќе членови од базата и таа разлика што ја создадовме меѓу раководство и членство мора да се покрие доколку сакаме да победиме на некои следни избори, рече Попоски.