Денеска во пријателски натпревар во Хрватска како дел од подготовките за пролетниот дел од сезоната, во рамките од Арена куп фудбалерите на Славен Белупо ремизираа 2:2 против Вуковар.

Еден од стрелците за Славен Белупо беше македонскиот напаѓач Илија Несторовски кој донесе водство во 21 минута.

Најпрвин Јагушиќ одлично изведе слободен удар, а Несторовски рутински со глава ја смести топката во противничката мрежа.

Само 10 минути подоцна Вуковар успеа да израмни преку Бановац, додека нова предност за Славен Белупо донесе Кестај, а во улога на асистент се најде Несторовски.

Вуковар успеа да го избегне поразот во последната минута од мечот и така обезбеди финале на овој турнир.