Двомесечно машко бебе кое се разболе додека беше во притвор со својата мајка во семеен приемен центар во Јужен Тексас е депортирано од САД заедно со неговите родители, објави демократскиот конгресмен од Тексас, Хоакин Кастро, објави „Њузвик“.

Семејството поминало околу три недели во притвор на американската Служба за имиграција и царина ИЦЕ, а според Кастро, бебето, Хуан Николас, имало сериозни респираторни проблеми и било однесено во болница, по што било вратено во притвор во резиденцијалниот центар за семејства во Јужен Тексас во Дила.

Набргу потоа, тој бил депортиран заедно со неговата мајка. Надлежните органи не го потврдија веднаш точниот датум или дестинација на депортацијата.

„Откако разговарав со нивниот адвокат, можам да потврдам дека Хуан, неговата 16-месечна сестра, мајката и таткото се депортирани“, објави Кастро во вторник вечерта.

Центарот Дила го управува приватната компанија  Корецивик според федерален договор. Новинарите побараа коментар од Министерството за внатрешна безбедност на САД (ДХС), но одговор не беше веднаш пристигнат.