Македонската пејачка Сара Мејс ја објави својата нова празнична песна „Нека трепка“, заедно со вокалниот квартет „Сара мејс енд д Грлз“, кој го сочинуваат и Ана Петановска, Калина Велковска и Теа Богатинова.

Песната ја носи топлината и празничната магија на декември, музиката и текстот се дело токму на Сара Мејс, додека аранжманот е на Роберт Билбилов.

За новата песна е снимен и видеоспот, изработен од продукцијата „Стедифлоу“, кој премиерно е промовиран на Јутјуб.

„Нека Трепка“ е нежна празнична приказна што ја буди магијата на декември низ мирисите, боите и чувствата што го обојуваат овој период од годината. Преку топли, интимни слики – цимет, јаболка, путер колачиња, чувство на сигурност и препуштање – Сара креира атмосфера во која слушателот се смирува, соништа оживуваат, а празничниот дух тивко се вселува „под кожа“.