Нејмар пристигна во Барселона на преговори - Слободен печат
СпортФудбал

Нејмар пристигна во Барселона на преговори

Бразилецот кој пред две години го напушти „Камп Ноу“ и се пресели во Франција, денеска ќе седне на преговори со челниците на Барселона.

Желбата на Нејмар да се врати во Барселона, најверојатно ќе му се исполни и по две години повторно ќе игра на „Камп Ноу“. Според англискиот весник „Мирор“, управата на Барселона предводена од потпретседателот Жорди Кардонер ќе одржат состанок со Нејмар. Таткото на Бразилецот, Нејмар сениор и неговиот адвокат се наоѓаат во Барселона, а на состанокот ќе биде присутен и Андре Кари, човекот кој го однесе Нејмар во ПСЖ.

Нормално, состанокот е поради сензационалното враќање на Бразилецот на „Камп Ноу“ откако Нејмар не успеа целосно да се вклопи во ПСЖ.

Се очекува договорот помеѓу Нејмар и Барселона експресно да биде постигнат по што ќе следи потешкиот дел од реализацијата на трансферот, преговорите со ПСЖ.

ПСЖ бара 120 милиони евра и двајца фудбалери за да се откаже од Нејмар кого пред две години го плати рекордни 222 милиони евра.

Додека навивачите на Барселона се радуваат на враќањето на Нејмар во Барселона, постојат и противници на трансферот.

– Би ми било помило доколку Нејмар не се врати во Ла Лига. Доколку и резултатите се добри но однесувањето на самиот фудбалер не е коректно, не би сакал да го гледам во Ла Лига бидејќи не остава впечаток за нашето натпреварување – вели Хавиер Тебас, претседателот на Ла Лига.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close