Неделава ќе се одржи последната собраниска седница на овој парламентарен состав
Во четврток, на 28 март ќе се одржи последната седница во Собранието на актуелниот парламентарен состав. Собранието нема да одржува седници во пресрет на кампањите за претседстелските и парламентарните избори но останува функционално.
На дневен ред на оваа пленарна седница закажана за во 11 часот се пет точки – Дополнетиот предлог на законoт за изменување и дополнување на Законот за извршување на санкциите, Дополнетиот предлог на закон за изменување и дополнување на Законот за народниот правобранител, Дополнет предлог на закон за основање на Медицински факултет во состав на Универзитетот „Свети Климент Охридски“ – Битола, сите во второ читање и Предлог на автентичното толкување на член 93 став 2 од Законот за урбанистичко планирање и Барањето за давање на автентично толкување на член 19 од Законот за наследувањето.