Повеќето кучиња се митарат, што е нормален начин да се ослободат од оштетеното или старо крзно. На некои кучиња може да им паѓаат повеќе влакна во зависност од годишното време или кога се болни, под стрес, имаат алергиска реакција или иритација на кожата.

Доколку некој од вашето семејство е алергичен на влакна од кучиња или едноставно не сакате да го чистите вашиот дом секој ден, постојат неколку раси на кучиња кои се митарат помалку од другите.

Ова се петте раси кои експертите ги одвојуваат како кучиња кои не се митарат.

Керн териер

Како и повеќето териери, тие се пријателски настроени кон семејството и се многу лојални кучиња. Ова се кучиња кои сакаат да бидат активни, затоа дајте им простор да копаат и тие ќе бидат среќни. Иако имаат двоен слој на крзно, надворешноста е цврста, што го намалува митарењето.

Котон де Тулеар

Малите бели кучиња со долго крзно се разиграни, имаат одличен карактер, но го сакаат вашето внимание. Им треба малку повеќе време и внимание при капењето и четкањето, што им помага да не се митарат.

Лагото Ромањоло

Најпознат по откривањето тартуфи во неговата родна Италија, оваа раса го добива својот изглед на плишано мече поради долгото крзно со кадрици. Лаготото Ромањоло е паметна, игрива и атлетска раса на куче со големо срце кое исто така се вбројува во листата на кучиња што не се митарат.

Малтешка пудлица

Ситна, нежна и шармантна раса со свилено бело крзно, малтешките пудлици бараат посветена нега на влакното за да го одржат својот изглед. За среќа, оваа раса е уште еден вид на мало куче кое не се митари многу, што остава повеќе време за игра наместо за чистење.

Португалско водно куче

Слични со пудлиците, португалските водни кучиња се атлетски, активни, желни за задоволство и одлични членови на семејството. Имаат густо, брановидно влакно во многу впечатливи бои кое исто така малку се митари.