Лидерот на руската опозиција Алексеј Навални и неколку негови блиски соработници повторно се обвинети за екстремизам и може да добијат долгогодишни затворски казни, изјавија руските обвинители, по неколкумесечна репресија од неговото движење, пренесува ТАС. 
 
Според Истражниот комитет, кој спроведува големи кривични истраги во Русија, Навални и неговите соработници се обвинети за „основање и водење екстремистичка организација“, која повика на „промена на власта со насилство“ од 2014-та до 2021-та година.

Организациите на Навални беа забранети за екстремизам во јуни, пред изборите на 19-ти септември.  Партијата „Единствена Русија“ на Путин победи на изборите, а радикалната опозиција не смееше да учествува. 

Нелегални протести

Целта на новата кривична истрага се двајцата најблиски соработници на Навални, Иван Жданов и Леонид Волков, кои со месеци живеат во егзил, како и многу други противници на Путин.

Предмет на истрагата е и Љубов Собол, друг соработник на Навални. 

Руските власти ги обвинуваат дека тие сакаат „да ги дискредитираат државните органи и нивната политика, да ја дестабилизираат ситуацијата во регионите, да ја разбудат желбата за народни протести и да ја убедат јавноста во потребата да се промени власта со насилство“.

Нелегалните протести што ги организираа служеа како „повици за екстремистички и терористички акти“.

Доколку бидат осудени, Навални, Жданов и Волков се соочуваат со казна затвор од 6 до 10 години, а други како Собол од две до шест години. 

Русите смислија нова казна за Навални: Осум часа гледање режимски емисии