Првите луѓе на европскиот фудбал закажаа нов состанок в среда (1 април) со претставниците на сите свои 55 членки, а се очекува да бидат донесени нови одлуки за натпреварувачката сезона 2019/20.

Поради епидемијата на коронавирусот, фудбалот е прекинат во скоро цела Европа. Претходно од „Тајмс“ беше најавено дека е одлучено сезоната да продолжи и заврши во текот на месец август, до кога се очекува да се намали евентуално опасноста од ширењето на коронавирусот.

– УЕФА ги повика генералните секретари на своите 55 членки на видеоконференција в среда (1 април) напладне со цел да се разговара за тоа што би направиле двете работни групи, формирани пред две недели со задача да се разгледаат сите опции за одржување на одложените натпревари – се вели во соопштението на УЕФА.

UEFA has invited the General Secretaries of its 55 associations to a video-conference on Wednesday to share an update on the progress made by the two working groups created two weeks ago and to discuss options with the potential rescheduling of matches.

Full statement: ?

— UEFA (@UEFA) March 30, 2020

Воедно, се додава дека на состанокот ќе се зборува за натпреварите на репрезентациите, а секако за нас најважна е полуфиналната средба од Лигата на нации против Косово за пласман на наредното ЕП.

После претходната видеоконференција, од Фудбалската федерација на Македонија (ФФМ), после направена проценка, најави дека на 4 јуни во Скопје на Националната арена „Тодор Проески“ ќе се игра тој историски меч.

За 48 часа ќе се дознаеме дали останува тој датум или ќе има ново одложување.

Исто така ќе се води расправа и за националните првенства договорите на играчите, кои истекуваат на 30 јуни сезонава, за летниот преоден рок…

Потсетување дека се одложени финалните мечеви во ЛШ и Лига Европа, како и Европското првенство за наредната година.