Мазулка е изгубена принцеза. Најдена е во момент кога тргнала да преминува преку булевар, како двомесечно бебе. Преживеа и напад од глутница диви кучиња, а и панлеукопенија, најстрашниот вирус за мали невакцинирани мачиња. Па така, уште како бебе потроши три животи. Веќе една година ни е седатив дома. Пребира храна, сака нови вкусови, не одбива маслинки, путер, печена тиква и шлаг. По секое одење во тоалет, мора да се исчисти песокот, зашто таа не влегува повторно ако не е чисто. Вистинска принцеза. Досега не се дружела со други мачки, а освен Арон, кој го почитуваше, други кучиња не сака да ѝ се мешаат на нејзина територија.