Напаѓачот на градоначалничката на Скопје Данела Арсовска, С.Љ. заработи обвинителен предлог од Обвинителството за кривично дело насилство заради тоа што пред една недела извршил грубо насилство врз неа. Воедно со обвинителниот предлог доставен е и предлог на Јавниот обвинител за продолжување на мерката притвор против обвинетиот.

Кривичниот совет на скопскиот кривичен суд постапувајќи по доставениот предлог за продолжување на мерката притвор, донесе решени со кое предлогот е основан затоа што уште постои опасност тој да избега и да го повтори делото. Притворот му е продолжен за 30 дена.

Судот дополнително ќе информира кога ќе се одржи првото рочиште од судењето.

Што се однесува до обвинителен предлог, согласно истиот оформен е кривично правен предмет со К.бр. 1338/25 кој откако ќе биде распределен на понатамошно постапување кај судија, и ќе биде насрочена главната расправа, истата ќе биде достапна преку календарот за судење на веб страната на судот, информираа од Кривичниот суд Скопје.