Напаѓачот на Интер и иранската репрезентација, Мехди Тареми, не може да ја напушти својата татковина поради воениот конфликт меѓу Иран и Израел, пренесува „Газета дело Спорт“.

Тареми требаше да патува од Техеран до Калифорнија, каде што го чекаа соиграчите од Интер за настап Светското клупско првенство. Сепак, патувањето пропадна откако летовите се откажани поради ескалацијата на конфликтот и ракетните напади.

Како што пишува угледниот италијански спортски дневник, 32-годишниот центарфор се појавил на аеродромот со надеж дека ќе може да замине за Америка, но бил принуден да се врати дома.

Минатата сезона Тареми постигна три гола и запиша девет асистенции за „нераѕурите“, каде што беше одлична опција од клупата за тренерот Симоне Инѕаги. За иранската репрезентација досега има 93 настапи и 53 постигнати голови.

ВИДЕО: Иран утрово започна нов напад со ракети, сирените повторно ечат низ Израел