Читателите на магазинот Травел+Leisure го изгласале Парос за најдобар европски остров. Тие ги давале своите оценки за природните убавини, храната, љубезноста, атракциите…

До Парос се стигнува со траект од Пиреја или со авион од Атина. Го опишуваат како најдобро чуваната грчка тајна. Познат е по совршените природни плажи, космополитскиот ноќен живот и античките споменици, долините со виногради и насадите со маслинки. Површината му е околу 186,5 километри квадратни, а должината на брегот 120 километри.

Некогаш на ова место се наоѓал познатиот каменолом за мермер од кој се правени бројни храмови. Парос последниве години е познат како место за одлична забава и ноќен живот.

Гратчињата Парики и Наус се како од соништата – тесни улички поплочени со бел камен со бели куќички и сини порозорчиња.

Во Парос летуваат главно Италијани и Грци.