Најскапиот ресторан на светот се наоѓа во Европа: Шоља чај чини 900, појадок 2.000 денари
Едно од најубавите места да се испие кафе во француски Сен Тропе е ресторанот „Диор“, во кој шоља чај чини околу 900 денари.
Сместен на 200 метри од легендарниот истоимен плоштад, кафе – ресторанот на модната куќа „Диор“ се наоѓа во раскошната провансалска зграда.
Помеѓу елегантните стаклени фасади, свое место пронашол и ресторанот „Диор“. Кујната на овој ресторан одговара на неговиот декор – таа е елегантна и скапоцена.
На менито има екстра свежи производи како бурата и домати од градина, или чадена морска риба. Или можете да дојдете на вечера, кога ќе можете да изберете помеѓу две возвишени јадења: равиоли од јастог или полнета јагнешка плешка. Келнерите ќе ве предупредат да зачувате малку место за десерт, а интересно е дека сета храна е брендирана со ознаките на оваа модна куќа.
Така шоља од познати квалитетни чаеви чини 14-15 евра, додека цената на кафето, во зависност од видот, оди од пет до осум евра. Цената на појадокот по лице изнесува 35 евра и опфаќа кроасан со чоколадо, бриош, овошна салата, џем и путер, сок од портокал и кафе.
А ако сакате да одите чекор понатаму и да нарачате појадок на ниво на високата мода, за тоа задоволство ќе мора да одвоите 50 евра, а содржината е тајна. На менито има и специјални јајца за појадок, кои сами за себе чинат 15 евра, но ако сакате посебни додатоци, секој ќе ве чини дополнително, па така тартуфи чинат 25 евра, чаден лосос 15, а шунка 10.
Особено луксузен додаток е кавијарот, па 30 грама од овој деликатес чини 135 евра, додека за 100 грама потребно е да издвоите 390 евра.