Младенче од загрозениот борнеански орангутан е родено во „Буш гарденс“ во Тампа Беј, Флорида.

Бебето орангутан е родено со царски рез во саботата, женско е и тешко околу 1,3 килограми, соопштија претставници на паркот, пренесе „Гласот на Америка“.

Мајката Луна се опоравува од операцијата и повторно ќе биде со бебето кога ќе биде стабилна.

Овие орангутани се наоѓаат само на островот Борнео, а Меѓународната унија за заштита на природата ги прогласи за критично загрозени.

„Буш гарденс“ е дел од Планот за опстанок на видовите на Здружението на зоолошки градини и аквариуми, чија цел е да управува со загрозените видови и да ги едуцира посетителите за животните.

Борнеанскиот орангутан е трет по големина вид мајмуни. Раѓањето на ова младенче е пресвртница во напорите за зачувување на орангутаните, се вели во соопштението од „Буш гарденс“. Орангутаните во дивината обично живеат помеѓу 35 и 40 години.

Новородениот припадник на реткиот вид сè уште нема име.