Министерството за финансии денеска исплати 2.028.714.243 денари субвенции за произведен и предаден тутун од реколтата 2025 година. Средствата се наменети за 15.144 тутунопроизводители ширум државата.

Од Министерството за финансии информираат дека со оваа исплата се потврдува заложбата на Владата за континуирана и навремена поддршка на земјоделството, како една од клучните стопански гранки во земјата, со посебен акцент на тутунарството како стратешка и традиционално значајна дејност.

Според Министерството, редовната исплата на субвенциите придонесува за поголема финансиска стабилност на земјоделците, одржување на производството и понатамошен развој на руралните средини.

Владата и Министерството за финансии најавуваат дека и во иднина ќе продолжат со политики насочени кон зголемување на конкурентноста на домашното земјоделство, повисоки приходи за земјоделците и одржлив развој на аграрниот сектор.

Жени се жалат дека доцни породилното, ФЗОМ тврди дека исплатите се континуирани