Организацијата „Архива на јавни собири“, која го следи бројот на присутни на јавни настани, објави дека на синоќешниот протест „Ти и јас, Славија, затоа што студентите победуваат“ имало меѓу 180.000 и 190.000 луѓе.

Според нејзината објава на „Икс“, проценката е направена врз основа на измерена површина од 107.000 квадратни метри и просечна густина од 1,7 луѓе на квадратен метар. Од организацијата наведуваат дека станува збор за втор најголем протест во Србија од падот на Слободан Милошевиќ.

Belgrade, May 23: Between 180,000 and 190,000 people attended the “You and I, Slavija” protest. APA estimate based on a measured crowd surface of 107,000 m² and mean density of ≈1.7 p/m². Second largest protest in Serbia since the fall of Milošević.

Photo: Nikola Jovanović pic.twitter.com/OQUPKU3xr6

— Arhiv javnih skupova /Archive of Public Assemblies (@javniskupovi) May 24, 2026

Претходно, по завршувањето на протестот, од „Архива на јавни собири“ соопштија дека снимките покажуваат оти собирот е меѓу најголемите студентски протести досега, но дека проценката за маса поголема од 100.000 луѓе е сложена и затоа нема веднаш да објават бројки.

Наспроти ова, директорот на полицијата, Драган Васиљевиќ, изјави дека на протестот на Славија имало 34.300 граѓани. Истата бројка денеска ја повтори и претседателот Александар Вучиќ, кој рече дека три служби дале проценки меѓу 30.500 и 34.300 присутни.

„Ја прифативме највисоката проценка, иако прецизните податоци покажуваат дека имало нешто помалку од 34.000 луѓе“, изјави Вучиќ.

Српскиот студент Стојановиќ ексклузивно за „Слободен печат“: Луѓето мислат дека се откажуваме, но ние го менуваме фокусот