Во загрепската Клиника за инфективни болести „Д-р Фран Михајлевиќ“ успеале да го изолираат вирусот Ковид-19, односно го одгледале во лабораториски услови, потврди за ХРТ, директорката на таа клиника Алемка Маркотиќ.

• Нашата колешка, д-р Жељка Мачак Шафранко, а целиот мој тим, кој сега го води Иван Кристијан Куролт, го изолираше вирусот. Тоа е голема работа во секоја виролошка лабораторија, вели таа, и додава дека е важно да се имаат вируси од сите делови на светот.
• Вирусот го испративме во Германија кај наш соработник со кој имаме меѓународен проект за истражување на вакцини. Тој еден дел од своите истражувања исто така ќе ги посвети на молекуларната анализа на вирусот, но заедно со некои други вирилози од Германија, Австрија и САД ќе го користи за истражување на лекови и вакцини, појаснува таа.

И во Клиниката за инфективни болести „Д-р Фран Михајлевиќ“ ќе можат да ги прошират своите истражувања и да ги анализираат имунолошките механизми кои се јавуваат на тој вирус, вели Маркотиќ.

Благодарение на тоа што имаат врвна лабораторија и тим, тие пред неколку недели добиле понуда од една американска биотехнолошка компанија да учествуваат во најмодерните истражувања на биолошките терапии по пат на ќелии.

• Тој модерен пристап би можел да се примени и за лекување на Ковид, додаде Маркотиќ.