Утре на пладне во Собранието ќе заседава анкетната комисија за трагедијата во кочанската дискотека Пулс каде загинаа 63 претежно млади лица, но според информации кои ги објави „Тв 24“ на неа нема да присуствува премиерот Христијан Мицкоски ниту министерот за внатрешни работи Панче Тошковски. Со комисијата претседава пратеникот Димитар Апасиев кој пак апелира утре да не се повтори како што вели, „уште еден институционален срам“.

Седницата мора да се одржи без одлагање празни изговори и политички калкулации . Родителите доаѓаат да го кажат тоа што државата со месеци одбива да го слушне . Од власта и државниот врв се очекува најмалку да се појават и да ги погледнат во очи луѓето кои бараат правда одговорност и промена . Секое негово бегање и саботирање би било уште една навреда за семејствата но и народот како и уште еден чекор кон одржување на системот кој дозволува да се повторуваат трагедиите, изјавил Апасиев за Тв 24.

Родителите на загинатите се поканети. Претседателката Гордана Силјановска Давкова уште нема одговорено дали ќе присуствува. Тошковски го оправдал отсуството со патување во Брисел.