Музичарот и басист на британскиот бенд „Палп“, Стив Меки, почина на 57-годишна возраст. Веста ја потврди неговата сопруга Кети Гранд, која изјави дека е „здробена и шокирана“.

Членовите на бендот се огласија преку социјалните мрежи.

Our beloved friend & bass player Steve Mackey passed away this morning. Our thoughts are with his family & loved ones. Safe travels, Steve.
We hope to catch up with you one day. All our love xx pic.twitter.com/pickNV56Nl

— Pulp (@welovepulp) March 2, 2023

„Нашиот сакан пријател и басист Стив Меки почина утрово. Нашите мисли се со неговото семејство и саканите“, напишаа во соопштението, објавувајќи и негова фотографија, како шета во природа.
„Оваа фотографија на Стив датира од времето кога со „Палп“ бевме на турнеја во Јужна Америка во 2012. Имавме слободен ден и Стив предложи да се качиме на Андите. Така и направивме“, пишува во објавата на шефилдскиот бенд, кој врвот на својата музичка кариера го достигна во 90-тите.

Причината за смртта на Стив, сѐ уште не е позната, а тој зад себе ги остави синот Марли и сопругата Кејти, која се огласи преку својот инстаграм-профил.

„По три месеци во болница, борејќи се со својата сила и одлучност, шокирани сме и скршени, што се збогувавме од мојот брилијантен, прекрасен сопруг, Стив Меки. Стив почина денеска и нѐ остави мене, синот Марли, родителите Кет и Пол, сестрата Мишел и многу пријатели со скршено срце“, напиша Кејти.

 

View this post on Instagram

 

A post shared by STEVE MACKEY (@steve__mackey)

Меки објави кон крајот на минатата година дека нема да им се придружи на „Палп“ за нивното повторно обединување и нова турнеја.