Кошаркарите на МЗТ Скопје се првиот финалист во Купот на Македонија кој од годинава го носи името на легендата на македонската кошарка Благоја Георгиевски – Буштур. Металците во првото полуфинале од Купот го совладаа тимот на Навико Академија ФМП со 92:72. МЗТ Скопје утре (17 часот) ќе се обиде да дојде до јубилејниот 10 трофеј во Купот во своето 14 финале.

Кошаркарите на Навико Академија ФПМ подобро го отворија натпреварот, а во главната улога беше Крстајиќ кој постигна пет поени и по четири минути игра „металците“ губеа со 7:2. Сепак, како поминуваа минутите така и кошаркарите на МЗТ Скопје влегуваа во ритам и благодарение на петте поени по ред на Гравет во седмата минута за прв пат дојдоа до израмнување (13:13). Во финишот од првата четвртина благодарение на тројката на Андреј Магдевски, МЗТ дојде и до првото водство на натпреварот од 16:18, резултат со кој заврши првата четвртина.

Кошаркарите на МЗТ Скопје фуриозно ја отворија втората четвртина, благодарение на одличната игра во одбраната, лесно доаѓаа до поени и за само три минути направија серија од 8:0 за водство до 26:18 и го натераа тренерот на Навико Академија ФМП, Александар Петровиќ, да побара тајм аут.
Во втората четвртина брилјираше центарот на МЗТ Скопје, Бојиќ кој постигна 12 поени и благодарение на него „металците“ ја одржуваа предноста и на одмор заминаа со двоцифрена предност (29:39).

Стартот на второто полувреме беше сличен на стартот на натпреварот, со тоа што овој пат МЗТ Скопје подобро го отвори вториот дел. Го оствари противникот три минути без постигнати поени, и предноста ја зголеми на 15 поени (44:29).
Кошаркарите на Навико Академија ФМП не можеа да го најдат ритамот од првиот дел, направија премногу во нападот и тоа се одрази на резултатот. За пет минути игра постигнаа само три поени, а во 27 минута МЗТ Скопје по тројката на Николов дојде до дури 21 поен предност (56:35) и практично ги реши дилемите околу победникот.
Во последната четвртина кошаркарите на тренерот Дарко Радуловиќ рутински ја одржуваа предноста.
Андрија Бојиќ со 18 поени, Олуџоби со 14 и Крстервски, Николов и Карачиќ со по 11 поени беа најзабележителни кај финалистот, додека Крстајиќ со 29 и Харис со 13 поени беа најдобри кај Навико Академија ФМП.
Во утрешното финале, МЗТ Скопје ќе игра со подобриот од второто полуфинале во кое играат Работнички и Еуро Никел.