МЗТ Скопје поразен од најголемиот ривал за опстанок во АБА лигата
МЗТ Скопје денес на домашен терен во Аеродром не успеа да се справи со главниот ривал во борбата за опстанок, Борац од Скопје си заминува со победа од 73:81.
Избраниците на Александар Петровиќ имаа слаб старт, па Борац брзо дојде до двоцифрена разлика, прво водеа со 8:20, а потоа и со 11:23. На истекот на првата четвртина МЗТ се врати на минус седум (19:26).
Не го променија гостите темпото ниту во следната четвртина, стигнаа и до највисоки 27:42. МЗТ не можеше да фати ритам и на полувреме губеше со 15 поени разлика (35:50).
Второто полувреме донесе нешто подобра игра на македонскиот претставник, со кратки серии МЗТ ја намалуваше предноста, па така дојде и до негатива од само два поени (62:64). Сепак, тука следуваше серија на гостите од 11:0 и од тој момент МЗТ не се врати во натпреварот, па мораше да се помири со осмиот пораз во АБА лигата. Мицовиќ со 14 поени, Дамјан со 13 поени и Војдан со 11 поени единствените кошаркари со двоцифрена бројка.