МЗТ ќе ја почне одбраната на титулата од првата стартна позиција
Кошаркарите на МЗТ Скопје Аеродром беа сигурни на гостувањето кај Навико Академија ФМП (105:67), а пoдобриот скор против Работничи ги остава на првото место во Првата македонска лига.
Неизвесен финиш имаше регуларниот дел од сезоната во шампионатот. Двата наши најтрофејни колективи, МЗТ и Работнички водеа битка до последното коло.
И двете екипи победија и во финалното, 22 коло од регуларниот дел, МЗТ беше подобар од Навико Академија ФМП, Работнички пак поуспешен од Гостивар. А на крајот, пресуди подобриот кош-количник кој го имаат популарните „металци“ во меѓусебниот однос на нивниот најголем ривал низ историјата.
Баковиќ со 19 поени го водеше МЗТ до триумфот, а два помалку запиша Робев. На спротивната страна кај Навико Академија ФМП, Робертс постигна 25 поени, Петровски додаде 13.
ПРВА ЛИГА, 22 КОЛО
Работнички – Гостивар 104:84
Навико Академија ФМП – МЗТ Скопје Аеродром 67:105
ТАБЕЛА: МЗТ Скопје Аеродром 40 бодови, Работнички 40, Пелистер 36 (-1), Чаир 2030 35 (-1), Еуро Никел 2005 34 (-1), ТФТ Mоцарт 33 (-1), Феникс 2010 32 (-1), Гостивар 30, Кожув 26 (-1), Охрид 25 (-1), Навико Академија ФМП 26, Вардар 24 (-1).