Музиколозите Јулијана Папазова и Елени Новаковска објавија стручна хронологија на македонската поп-музика

Авторките и музиколози Јулијана Папазова и Елени Новаковска ја објавија книгата „Историја на македонската популарна музика“. Издавач на книгата се самите авторки, а изданието е поддржано од Министерство за култура.

Монографијата „Историја на македонската популарна музика“ е посветена на хронолошко претставување на развојот на македонската популарна музика, која се реализира на територијата на Македонија од почетокот на 20 век до денес. Содржината е поделена на три глави: првата глава е вовед во која е опфатен периодот до 1944 година; во втората глава е опфатен периодот на СФРЈ од 1945 до 1991 година и во третата глава е опфатен периодот на независноста од 1991 г. до денес.

Во содржината се застапени неколку теми: хронологија и анализа на повеќе музички жанрови (рок, џез, поп, хип-хоп, хеви-метал, инди, техно…), хронологија на групи, музичари, фестивали и институции кои се важни за развојот на популарната музика: Биг-бендот или Танцовиот оркестар на РТС и композиторите и пејачите што соработувале со овој оркестар, како и групите „Бис-Без“, „Леб и сол“, „Меморија“, „Мизар“, „Бастион“, „Анастасија“, „Архангел“, „Санаториум“, С.А.Ф, Тоше Проески, „Сет“, „Бернајс пропаганда“, Скопски фестивал, „Таксират фестивал“ и многу други.

Како додаток на целокупната содржина е издвоена кратка историја на застапеноста на популарната музика во македонскиот филм од 60-тите години до денес.

Примарната цел на оваа книга е да биде користена, пред сè, како прирачник од учениците и студентите во стручните музички училишта и факултети. Истовремено е достапна за сите љубители и креатори на македонската популарна музика.

(Текстот е објавен во „Културен печат“ број 99, во печатеното издание на весникот „Слободен печат“ на 2-3 октомври 2021)

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот