Моноклонална „коктел терапија“ со антитела досега примиле 20 заболени од ковид-19 со коморбидитети и хронични болести

Ковид-центар во Скопје / Фото: EPA-EFE/GEORGI LICOVSKI

Дваесет пациенти со повеќе коморбидитети и хронични болести заболени од ковид-19 на Универзитетската клиника за инфективни болести и фебрилни состојби примиле моноклонална „коктел терапија“ со антитела, информираа за МИА од Министерството за здравство.

– Моноклонална „коктел терапија“ со антитела се дава кај пациенти кои имаат повеќе коморбидитети и хронични болести, во претходна консултација со специјалистите и супспецијалистите кои ги третирале пациентите од почеток на појавата на инфекцијата со ковид-19. Вкупно се набавени се 1200 дози од лекот, а досега се искористени околу 20-тина дози, истакнуваат од Министерството.

Станува збор за најсовремен метод на терапија за пациенти заболени од ковид-19. Терапијата е коктел од две моноклонални антитела и се дизајнирани специјално за да ја блокираат инфективноста од „SARS-CoV-2“ вирусот што го предизвикува заболувањето со ковид-19.

Извор: МИА

112 нови случаи на ковид-19, пријавени се 13 починати лица

Видео на денот