Сите млади жители на општина Центар , кои во текот на 2026 година навршуваат 18 и 19 години,  како и оние кои во 2025 година навршиле 19 години, а уплатата за полагање на возачки испит ја извршиле во 2025 година, можат да аплицираат на Јавниот повик за доделување на субвенциии  за полагање  возачки испит Б-категорија.

Јавниот повик е во тек и ќе трае  до исцрпување на средствата предвидени во Буџетот на Општина Центар, односно до 31 декември. Субвенцијата е во висина од 10.000 со вклучен ПДД, а се користи исклучително за полагање на возачки испит Б-категорија и единствено во автошколите регистрирани на подрачјето на Центар.

Сите идни млади возачи од оваа општина при апликацијата треба да достават барање за субвенција, копија од лична карта и од трансакциска сметка, доказ за извршена уплата во авто школа и доказ дека автошколата е регистрирана на подрачјето на општината.

Барањата со комплетна документација се доставуваат во архивата на Општината, барака бр.6, од 9 часот до 159 часот.

Правото на субвенција е еднократно.