Вики Рог (19) со потекло од Бушеј, Велика Британија одлучи да собере средства во вредност од 5.000 фунти преку платформатата за донации „GoFundMe“ за да оди на операција за намалување на градите.

Рог со години страдала поради големината на нејзините гради, како што вели таа имала потешкотии при наведување и постојано примала аналгетици поради болка во `рбетот, кој претрпува голем товар поради нејзините големи гради.

„Одењето во клуб за мене е ноќна мора, бидејќи сите мажи зјапаат во моите гради, непристојно го коментираат мојот изглед и честопати се обидуваат несоодветно да ме допрат“, вели Вики.

„Големите гради се проклетство. Порани нив, не можам да се движам како што треба и имам болки во вратот, а од градникот постојано имам исекотини на рамената“, додава младата девојка.

Таа додава дека претрпела насилство од врсници поради нејзините големи гради.

„На училиште со години ме нарекуваа со погрдни имиња, поради што плачев цело време. Кога сте многу млади и кога врсниците ве етикираат на тој начин, не можете да уживате во растењето“, вели Рог.

Вики со години се соочува и со друг проблем кој како што вели таа е непознат за многу нејзини врсници.

„Секогаш кога ќе купам костим за капење, горниот дел морам да го земам со огромни корпи. Не можам да одам во теретана, не можам да спортувам, бидејќи тежината на градите го отежнува сето тоа. Најлошото нешто е што постојано ме болат половините, не можам да носам градник повеќе од неколку часа на ден, а во текот на летото постојано ми се појавуваат пликови под градите,кожата ми пука и крвари“, потресно раскажува таа.

Хируршките третмани за намалување на градите во Велика Британија можат да се направат со помош на фондот за здравствено осигурување, но потебно е пациентките да поминат низа претходни прегледи за да се добие потврда дека интервенцијата е навистина оправдата. Покрај тоа, листата на чекање е неверојатно долга.

Затоа младата девојка се решила да почне да собира пари и да почека барем три години помалку, колку што е потребно за медицински комисии да ја одобрат операцијата за намалување на градите што пациентите ја плаќаат самите.