Новак Ѓоковиќ на одличен начин ја започна одбраната на титулата во Австралија Опен, остварувајќи лесни две победи. Но освен триумфите над Штруф и на Ито, вниманието на јавноста го привлече нешто необично во неговото уво.

Имено, во десното уво на Ѓоковиќ е приметена црна точка и мал фластер. Иако на почетокот се мислеше дека станува збор за бенка, не е исклучено дека Ѓоковиќ користи традиционална кинеска метода во медицината.

Станува збор за „шен мен“ техника која во превод значи „портите од рајот“.
Во кинеската традиционална медицина, тајната е во точка во ушната школка која треба да се притисне за да се решат проблемите со големиот стрес, алергиите, болките или главоболките. Оваа едноставна метода која ја користат Кинезите ја користат со векови, очигледно е дека и Ѓоковиќ ја користи.

За српскиот тенисер е познато дека и во минатото користел одредени техники и симболи за кое се верува дека му помагаат. Тој во минатото имаше реики симбол Чо Ку Реи на своите патики, а минатата година имаше и симбол на Ацтеките кој претставува симбол на силата и енергијата.