МИСТЕРИЈА: Пронајдена напуштена јахта на турски милионер, од сопственикот нема трага (ФОТО+ВИДЕО)
Во брегот на Шенѓин, Албанија, е пронајдена напуштена луксузна јахта, вредна 2 милиони евра. Риболовците првично го забележале напуштениот брод долг 13 метри, закотвен 12 милји од пристаништето на Шенѓин, со запалени мотори и под турско знаме. По известувањето на крајбрежната стража, вo јахтата е пронајден пасошот на познатиот турски бизнисмен, 31-годишниот Севгин Јавуз.
Топ Чанел јавува дека бизнисменот тргнал на одмор на Јадранското приморје, додека пак сè уште нема ниту едно објаснување за неговиот престој во Шенѓин и за исчезнувањето на сопственикот или на другите лица, за кои се мисли дека биле на бродот со него.
Од разни извори се информира дека луксузната јахта тргнала од пристаништето во Бар, Црна Гора. Надлежните власти започнаа истрага за пронаоѓање на турскиот бизнисмен, неговите придружници и причината за напуштањето на бродот, пренесува Топ Чанел.