Министерот за здравје на Нов Зеланд, Дејвид Кларк поднесе оставка, откако ги прекрши мерките кои ги пропиша владата на земјата при ширењето на Ковид-19.

Кларк себеси се нарече идиот и се извини на нацијата, бидејќи на почетокот на април се возел 20 километри до плажата за да прошета со својата фамилија, пренесува Би-Би-Си.

– Како министер за здравство моја одговорност беше да ги почитувам правилата и да бидам пример за останатите граѓани. Се однесував идиот и разбирам зошто граѓаните се лути на мене, рече Кларк.

Сепак, заради моменталната криза тој ќе остане на работното место, но во кабинетот е ставен на најниска позиција.

Премиерката на Нов Зеланд, Џасинда Ардерн изјави дека во нормални околности тој би бил отпуштен, но дека државата моментално не може да си дозволи пореметување во работата на здравствениот систем.