Министерот од БЕСА се закани со растурање на владата

Арјанит Хоџа - министер за земјоделие и шумарство / Фото: МИА

Министерот за земјоделство, шумарство и водостопанство, Арјанит Хоџа, од редовите на БЕСА кој е дел од владината коалиција на својот „Фејсбук“ профил се закани со растурање на владата.

– Желино, во кое се роди една партија (како движењето БЕСА), може да биде и Желино кое растура една Влада, објави тој на социјалната мрежа.

Локалните избори создадоа нова конфигурација на локалната власт во двата најголеми градови населени претежно со Албанци во Полошкиот регион, Тетово и Гостивар. Во вториот круг од локалните избори Движењето Беса, кое е во коалиција со СДСМ на премиерот Зоран Заев, мораше да коалицира со опозициската ВМРО-ДПМНЕ на локално ниво и со Алијанса за Албанците (АА) на Зијадин Села за да ја добие битката во трката за градоначалник на Тетово од ДУИ и Али Ахмети, чиј кандидатка Теута Арифи ја имаше поддршката од сите партии во владејачката коалиција, од СДСМ до ДПА на Мендух Тачи.

Беса во Тетово со ВМРО-ДПМНЕ, во владата со СДСМ?

Видео на денот