Илон Маск е само еден од истакнатите американски бизнис-лидери што го придружуваат американскиот претседател Доналд Трамп на неговата државна посета на Кина оваа недела. Портпаролот на Белата куќа потврди дека Маск се качил на претседателскиот авион „ер форс уан“, кој полетал за Пекинг, пишува „Ројтерс“.

Најбогатиот човек во светот, кој моментално е во процес на судска постапка со шефот на „ОпенАИ“ во Калифорнија, е дел од групата директори поканети да му се придружат на Трамп.

На списокот на патници се и Тим Кук, кој официјално ќе се повлече од функцијата извршен директор на „Епл“ во септември, и Јенсен Хуанг, шеф на „Нвидија“, еден од најголемите светски добавувачи на чипови за вештачка интелигенција.

Team CHYYYYYNA 🇨🇳🇺🇸 pic.twitter.com/UxGprTTWMV

— Lara Trump (@LaraLeaTrump) May 12, 2026

Во придружбата на Трамп се извршниот директор на „Боинг“, Роберт „Кели“ Ортберг, претседателот и извршен директор на „Блекрок“, Лари Финк, претседателот, извршен директор и коосновач на „Блекстоун“, Стивен Шварцман, претседателот и извршен директор на „Каргил“, Брајан Сајкс, и претседателката и извршен директор на „Сити“, Џејн Фрејзер.

Во делегацијата се и извршниот директор на „Кохерент“, Џим Андерсон, претседателот и извршен директор на „ЏЕ Аероспејс“ Х. Лоренс Калп, претседателот и извршен директор на „Голдман Сакс“, Дејвид Соломон, извршниот директор на „Илумина“, Џејкоб Тејсен, извршниот директор на „Мастеркард“, Мајкл Мибах, претседателката и потпретседателката на „Мета“, Дина Пауел Мекормик, претседателот и извршен директор на „Микрон“, Санџај Мехротра, претседателот и извршен директор на „Квалком“, Кристијано Амон и извршниот директор на „Виза“, Рајан Мекинерни.

Трамп нема да пие бесплатен чај во Пекинг