Секое судство засновано врз владеење на правото има потреба од силни независни и непристрасни обвинители подготвени да истражуваат поединци, без оглед на нивната позиција или влијание во општеството, изјави портпаролката на бугарскиот Јавен обвинител, Сијка Милева.

– Европскиот суд за човекови права потенцира дека во едно демократско општество, судовите и истражните органи мора да останат ослободени од политички притисок. Денес, Обвинителството е под невиден политички притисок, додаде Милева. 

Во Бугарија веќе неколку дена се протестира, а демонстрантите бараат оставка од Владата и главниот обвинител. Слоганите под кои протестираат се – „Протестирам за да не емигрирам”, „Сакаме иднина за нашите деца”, „Бугарија на народот, а не на мафијата”.