Милановиќ ќе оди во логорот Јасеновац, но не и во Блајбург
Хрватскиот претседател рече дека нема да оди во Блајбург, каде се одржуваат комеморации за нацистичките колаборатори кои биле стрелани на тоа место на крајот од Втората светска војна, и оти е познат неговиот став по тоа прашање.
Хрватскиот претседател Зоран Милановиќ најави дека ќе оди во најпознатиот усташки логор од Втората светска војна во Хрватска, Јасеновац, но оти не би сакал да одржи говор затоа што се работи за комеморација.
– Тоа не е политички собир. Тој бил тоа, неизбежно, во некои околности. Се надевам дека сме доволно зрели да отидеме таму во достоинствена колона, да положиме цвеќе и да се сетиме на тоа што се случи таму и пред се да си покажеме на себеси дека сме нормални и хумани, рече синоќа Милановиќ во интервју за РТЛ.
Во исто време Милановиќ изјави дека нема да оди во Блајбург, каде се одржуваат комеморации за хрватските усташи и останатите нацистички колаборатори кои биле стрелани таму на крајот од Втората светска војни, и оти е познат неговиот став за тоа прашање.