Мијалков до крајот на декември ќе излезе од затворот во Струга
Поранешниот директор на Управата за безбедност и контраразузнавање Сашо Мијалков ќе биде на слобода од декември годинава. Одлуката ја соопшти Основниот кривичен суд, откако Апелацскиот суд – Скопје донесе решение со кое го уважи предлогот на директорот на затворот во Струга, Ваљон Ќура за условен отпуст за затвореникот.
-Согласно решението, осудениот се отпушта од КПД Струга на 25.12.2024 година, а условниот отпуст му се смета до 25.04.2025 година. Против ова решение странките имаат право на жалба пред Апелациониот суд Скопје, соопштија од Основниот кривичен суд.
Минатиот месец Мијалков доби ослободителна пресуда за предметот „Трезор“. Ова беше втора пресуда за случајот откако Апелациониот суд Скопје ги прифати жалбите на обвинетите и во 2022 година ја укина првостепената пресуда која беше донесена во 2021 година.
Неодамна, како дел од спогодбата за предметот „Империја“ му беше одземен имот вреден околу 30 милиони евра.
Со јавно наддавање се продава дел од одземениот имот на Мијалков