Мицотакис даде свечена заклетва и официјално стана премиер – Слободен печат
ВестиРегион

Мицотакис даде свечена заклетва и официјално стана премиер

Новиот грчки премиер истакна дека управување со земјата го презема свесен за својата одговорност кон народот.

Лидерот на конзервативната Нова демократија Кирјакос Мицотакис даде денес заклетва како нов премиер на Грција.

Мицотакис заклетвата ја даде во присуство на грчкиот претседател Прокопис Павлопулос, пренесува агенцијата АНА, а грчките медиуми јавуваат дека составот на новата влада ќе биде познат уште вечерва.

Конзервативната Нова демократија победи на вчерашните предвремени парламентарни избори во Грција, победувајќи ја Сириза на досегашниот премиер Алексис Ципрас. Според речиси 100 отсто преброени гласови, Нова демократија има 158 од 300 места во парламентот, а Сириза 86 места.

Мицотакис синоќа вети дека напорно ќе работи за да ги застапува сите Грци. „Премалку нѐ има за да останеме поделени“, кажа Мицотакис. Додаде дека добил силен мандат кој ќе му овозможи да ја промени Грција и да ја примени програмата за намалување на даноците, отворање повеќе работни места и привлекување дополнителни инвестиции, пренесува Ројтерс.

„Општеството испрати јасна порака во корист на растот, отворањето работни места и безбедноста“, наведе Мицотакис, додавајќи дека транспарентноста и меритократијата ќе се вратат во Грција и дека земјата погласно ќе се слушне во Европа.

Новиот грчки премиер истакна дека управување со земјата го презема свесен за својата одговорност кон народот. Тој порача дека на „пресудата на народот“ гледа со скромност и почит.

Мицотакис истакна дека нема да го разочара грчкиот народ и најави дека пратениците ќе работата и во текот на летото бидејќи „иднината не може да чека“.

КОЈ Е НОВИОТ ПРЕМИЕР НА ГРЦИЈА? Претците му се славни политичари поради кои му велеа дека е привилигиран

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close