Според нашите анкети во вториот круг на председателските избори ќе влезе професорката Силјановска Давкова и сегашниот председател Пендаровски, изјави вечерва во интервју за ТВ Сител, лидерот на ВМРО ДПМНЕ Христијан Мицкоски.

Претседателот на ВМРО-ДПМНЕ Мицкоски оцени дека Македонија многу ќе добие споредено со другите кандидати посебно со Пендаровски.

„Тука би го издвоил актуелниот Претседател Стево Пендаровски и ценам дека тука треба да се бара името за вториот круг. Иако мислам дека според сите оние анкети кои ги имаме и анализи предноста на Силјановска ќе биде повеќе од 100 илјади гласови во однос на Пендаровски најмалку 100 илјади гласа разлика во првиот круг и ценам дека тоа ќе даде озбилна порака кон гласачите како да се мобилизираат за вториот изборен круг претседателски избори, како и за парламентарните на 8 мај“, рече Мицкоски.

Во однос на анкетите за прогноза на резултатите од претстојните избори, според последната анкета, Мицкоски истакна дека доколку утре би се одржале парламентарни избори за ВМРО-ДПМНЕ би гласале околу 22-23 проценти, додека за СДСМ само 9 до 10 проценти.

„Февруарските анкети теренски се дека бројката која што би ја освоила ВМРО-ДПМНЕ доколку утре има избори е помеѓу 22-23 проценти. СДСМ се движи околу 9-10 проценти од прилика од освоените гласови, условно кажано ДУИ и обединетата албанска опозиција би се движеле помеѓу 6-6.5 проценти од освоените гласови. Партиите ЗНАМ и Левица би се движеле околу 4-5 проценти, нагласи Мицкоски.

На прашањето колку пратеници би освоила ВМРО-ДПМНЕ според анкетите, Мицкоски рече:

„Врз основа на овие бројки на државно ниво пондерирани во број на пратеници ценам дека во моментот би се движела ВМРО-ДПМНЕ и коалицијата помеѓу 53 и 56 пратеника“.