Кошаркарите на Кливленд Кавалирс со многу мака стигнаа до победа на гостувањето кај Вашингтон Визардс со 130:123 во НБА лигата. Апсолутен херој на триумфот беше Донован Мичел, кој постигна неверојатни 48 поени и практично сам го водеше тимот низ клучните моменти. Кај Вашингтон, Керингтон и Меколум се истакнаа со по 27 поени.

На големата сцена се врати и Џоел Ембид, кој ја предводеше Филаделфија 76 до домашна победа над Индијана Пејсерс од 115:105. Центарот постигна 39 поени за неполни 32 минути, додавајќи и девет скока. Поддршка доби од Пол Џорџ со 23 и Еџекомб со 22 поени, додека кај Индијана најефикасен беше Паскал Сиакам со 20 поени.

Во останатите натпревари од синоќешната НБА програма беа постигнати следните резултати: Шарлот – Чикаго 129:126, Детроит – Атланта 142:115, Филаделфија – Индијана 115:105, Вашингтон – Кливленд 126:130, Мемфис – Јута 126:130 и Далас – Бруклин 119:111.

Преземено од: Sport.com.mk