Рускиот тенисер Данил Медведев се најде во центарот на бизарен инцидент на УС Опен откако беше лут кон судијата, бидејќи не му беше дозволен „челенџ“ во текот на полуфиналниот меч против Доминик Тим.

Медведев кон средината на вторито сет бараше „челенџ“ на својот сервис, но не го доби, со објаснување дека доцна го побарал. Тој гем Тим го освои и поведе со 4:2, а потоа и првиот сет го заврши во своја корист.

– Барав „челенџ“ на време – рече Медведев, а потоа премина на другата страна на мрежата за да покаже каде удри топката.

Daniil Medvedev at the US Open: a saga pic.twitter.com/gGB9Z3GB02

— angie (@ultravoxing) September 12, 2020

Со оглед на тоа што преминувањето преку мрежата не е според правилата, Медведев доби опомена од страна на судијата кој не му дозволи „челенџ“.

Медведев се обрати и до супервизорот и официјалните лица кои седеа настрана и потоа саркастично коментираше рускиот тенисер, потсетувајќи и на дисквалификацијата која му се случи на Новак Ѓоковиќ.

– УС Опен е шега, така? Видовме што се случи во четвртото коло. А, се извинувам. Мислам дека убив некого! Се извинувам, лошо беше што ја преминав мрежата. Моето искрено извинување. О, Боже, искрено извинување, дали е сè во ред сега?! – се зборовите на Медведев.

Зверев и Тим во финалето на УС Опен (ВИДЕО)