Францускиот напаѓач вечерва реализираше три гола во големата гостинска победа на ПСЖ против Барселона (1:4) во првиот натпревар од осминафиналето во Лигата на шампионите.

Килијан Мбапе блескаше на стадионот „Камп Ноу“ и со неговиот хет-трик покажа зошто е еден од најбараните играчи моментно на трансфер пазарот.

Интересен е податокот што Французинот е само третиот играч кој успеал во ЛШ да дојде до хет-трик на теренот на Барса.

Претходно тоа го направија уште Фаустино Асприља во дресот на Њукасл и Андриј Шевченко со Динамо Киев, и двајцата во далечната 1997 година.

Да додадеме уште дека за Барселона ова е нејзиниот втор домашен пораз од три или повеќе голови разлика оваа сезона, односно претходно загуби од Јувентус со 0:3 на 8 декември минатата година.

ВИДЕО: Барса пред елиминација, Ливерпул ги казни грешките на Лајпциг!