15 C
Скопје

МБА до основните и средните училишта: Рокот за пријавување за Европскиот квиз на парите е 15 февруари

Македонската банкарска асоцијација (МБА) во соработка со Народната банка и Комисијата за хартии од вредност ги повикува основните и средните училишта во Република Северна Македонија за учество во меѓународниот натпревар Европски квиз на парите, кој  е проект на Европската банкарска федерација, фокусиран на финансиската едукација на учениците од 13 до 15 години, а поддржан е од Министерството за образование и наука (МОН) и Министерството за финансии.

Европскиот квиз на парите се одвива во две фази. Првата фаза се националните натпревари во секоја земја, а втората фаза е европското финале. Националниот натпревар во Република Северна Македонија ќе се одржи виртуелно на 24 март оваа година на македонски и на албански јазик.

Прочитајте и...  ВИДЕО | Андоновиќ: На раб на конфликт - Русите распоредија воени сили, САД испратија два воени брода

Од МБА во соопштение наведуваат дека тим од најдобрите двајца ученици ќе ја претставува нашата земја на европското финале што е закажано на 20 април од 11 до 13 часот на англиски јазик. Оттука, додаваат, националните победници треба да имаат и солидни познавања од англиски јазик.

Европската банкарска федерација ќе додели парична награда на училиштата за освоено прво, за второ и за трето место. Натпреварите ќе се одвиваат преку посебна електронска апликација за оваа намена Кахут (Kahoot!) што е едукативна платформа на база на игра.

Сите заинтересирани основни и средни училишта може да пријават одделенија/класови за учество на националниот натпревар во Република Северна Македонија најдоцна до 15 февруари на електронската адреса на Македонската банкарска асоцијација:[email protected]

Прочитајте и...  „Џонсон и Џонсон“ почна со испорака на вакцини против ковид-19 во ЕУ

Секое основно или средно училиште може да пријави повеќе одделенија/класови, учениците треба да бидат на возраст од 13 до 15 години на денот на пријавувањето и заедно со податоците за одделенијата/класовите, треба да се достават податоци за наставниците/професорите под чие менторство ќе се одвива подготовката.

Едукативните материјали потребни на учесниците од Република Северна Македонија за подготовка за  националниот натпревар и европското финале и повеќе информации за Европскиот квиз на парите се достапни на следниве веб-страници: www.mba.mk и www.efb.eu.

Поврзани вести

ЦГК: Државата наплатува само 8,2 милиони евра годишно за експлоатација на минералните суровини

Слободен печат

Сè за бразилскиот вид коронавирус: Колку е опасен и дали вакцините ќе делуваат?

Илинка Иљоска

Богоев: Со дигитализација и системски промени против корупција

Слободен печат

ВИДЕО| Локвенец: Кога не работи сигнализацијата, возот запира, кондуктерот излегува и го стопира патниот сообраќај

ВИДЕО | Богдановиќ: Наша задача е да провериме дали сите закони и правила на игра се испочитувани околу парцелата кај Холидеј ин

Слободен печат

Документот на Јанша за завршување на распадот на СФРЈ, доставен преку тајни канали, повикува и на враќање на Груевски

Слободен печат

Остави Коментар