Мажот кој се закануваше со експлозив во Бар се предаде на полицијата
Човекот кој денеска се закануваше дека ќе активира експлозив пред филијала на НЛБ банка во Бар, се предаде на полицијата, соопштија црногорските власти.
Полицијата соопшти дека мажот, кој го блокираше влезот во банката од рано изутрина, се предал по долги преговори.
Полицијата во Бар утринава ги евакуираше вработените од околните канцеларии и станарите од зградата во која се наоѓа банката поради заканата на 36-годишниот Един Бегзиќ дека ќе активира експлозив.
Бегзиќ утрово залепи натпис „Вратете ги парите што ги украдовте од работниците на Приморка” и најави дека вооружен ќе ја држи банката под контрола сè додека не се вратат парите на работниците.
Во видеото што претходно го објави на Јутјуб, Бегзиќ рече дека кај себе имал панцир, маска за солзавец од молотов коктел, пиштол со куршуми и две рачно изработени експлозивни направи на далечински управувач.
ВИДЕО| Бар: Евакуиран дел од улицата, маж се заканува со експлозив